يلا هلئ اجى دورك عزيزي آدم
اسئلتك رح تختلف شوي عن اسئلة حواء بس كمان بدا منك سرعة بديهة و تلقائية و سدء بالاجابة ..المئصود من هالشي انو نعرف عنك اكتر و عن طريئة تفكيرك من خلال تخيلك لمواقف معينة و بعدييييييييييين شو ياحزرك؟؟
رح تحمل بطاقة شرف عليها لقب تخيلي رح تحملو و يضل معك على طول << ديروا بالكون >> :twisted:
و نفس الحكي يلي كتبتوا بالموضوع بمنتدى حواء رح اكتبوا عندكون هون كمان
طبعا رح تسألوني ليش هالموضوع مو باستراحة المنتدى ؟؟ رح جاوبكون : هالموضوع بيعتمد على سرعة البديهة و التلقائية و الاجابة علي الاسئلة بتكون لمرة وحدة بس و بعدا رح يحصل كل شب على بطاقة تخيل بتحمل لقب معين .. و لأن هالموضوع اجاباتو مابتكرر و لمرة وحدة بس كتبتوا في زاوية آدم.. بتمنى تكون وصلت الفكرة :)
مشان هيك بدك تكون حريص كتير بإجاباتك لانو بعد هيك مافي مجال للتراجع او التغيير .. سرعة بديهة .. دقة..ادراك انو هالاجابات هي رح تحصل بناء عليها على بطاقة تحمل صفتك التخيلية :)
يلا شباب شدوا الهمّة
خلونا نبلش لشوف
تخيل انك اصبحت في المنصب او الوضع التالي .. شو رح تكون ردة فعلك ؟؟1- اصبحت وزير للخارجية
2- منحك رئيسك في العمل يوم اجازة اجبااااااري
3- منحك مليونير ساعة تقرر فيها ماتريد
4- وجدت نفسك امام مصعد مزدحم بالنساء فقط
5- اصبحت وزير للاقتصاد
6- زوج لمليونيرة
7- امام المرآة و لا يراك احد
8- خيروك بين الحصول على مليون دولار او الستر و الصحة
9- صديق طلب منك ان تقرضه نقود للمرة الخامسة
10- ظهرت زوجتك امامك و انت تتحدث مع زميلتك على الموبايل
هع هع بلشوا لشوف
:pirat:
و
هلأ بدك تتخيل انك ئابلت احد هالشخصيات المهمة .. مين بتتمنى يكون و شو بتطلب منو او شو بتئلو ؟؟1- بطل رياضي
2- شخصية اعلامية
3- شخصية عااالمية
4-نجم او نجمة مشهورين
5- رجل اعمال مرموق
6- مليونير مشهور
7- عالم اسلامي او رجل حكيم
8- فنانة محبوبة
9- شخصية نسائية
10- اقرب شخص الى قلبك
يلا يلا اعصروا مخكون منيح شباب لشوف
االاجابات عبارة عن تحدي للذات و مواجهة للصراحة و دبلوماسية في الاجابة بس بسدء طبعا
بتمنى الموضوع يعجبكون و يلائي منكون القبول
طبعا صبايا اكيد فيكون تعطوا رأيكون بالموضوع لانو اكيييييييييد الشباب هلئ عم يتجسسوا على اجاباتكون :lol:
الموضوع حصري حصري لشبكة منتديات سكون الليل :)