هل تنتهك براءة الاطفال؟؟؟؟

ننظر حولنا و نجد ان العديد من مظاهر الطفولة قد تم انتهاكها

ابدأ بالاسهل و الاكثر بروزا .. صور الاطفال ..

صور لهم و هم عراة.. صور لهم يقبّلون بعضهم ..

صور لهم يحملون السيجارة.. او الارجيلة ..

و حتى احيانا صور قد تكون في اوضاع مثيرة بعض الشيء

نظرات جديّة تسكن عيونهم

تقطيبة تستقر مابين الحاجبين لتقتل روعة الابتسامة الطفولية

حتى في عروض الازياء اصبح هناك اطفال موديلز يعرضون بدلات عرائس

الاغاني االموجهة للاطفال ايضا و تحمل معانٍ اخرى الا معاني البراءة

تسريحات الشعر و الماكياج اصبح شعارا للطفولة في هذه الايام

لم نعد نرى اطفالا يلهون و يلعبون بالشوارع لعبة الغميضة او شرطة حرامية

فتياتنا لم تعد تغريهن اللعبة الصغيرة بجدائلها و فستانها البسيط

اصبحوا يرنون الى الالعاب الالكترونية

الموبايلات

اخر صيحات الموضة و الماكياج

حتى في مدارسنا قتلت روح الطفولة بإثقال كاهل الطفل بالدراسة و الواجبات التي تجعله دائما سجين الكتاب و القلم

و تعرفون اين المصيبة الأدهى و الأمرّ؟؟؟

ردود فعل الاباء لما يحدث..

تجد الاب يأخذ السيجارة و يضعها في فم طفله و يبتسم و كأنها نوع من المداعبة و المزحة المضحكة و يقول اه لقد نضج طفلي

تجده يصفق طربا عندما يتمايل طفله على ايقاعات الاغاني و الفيديو كليب الموجهة لهم و هي لاتحمل اي معنى من معاني التربية او اي مضمون من المضامين الاخلاقية


.. هل يعتبر ذلك إقحاما للأطفال في مستنقع يغرق فيه الآباء؟؟

أم هو تربية مباشرة لضمان جيل يعرف سر اللعبة منذ نعومة أظافره ؟؟

أم هي حملة مقصودة لتدنيس براءة الطفولة في وحل الظلام في ظل غياب التربية من قبل الوالدين أو من يتولى الرعاية؟

، بل وربما في ظل وجودهما الجسدي وغيابهن الذهني

الى اين نحن ذاهبون بأطفالنا ؟؟

لو كنت ابا او اما او حتى اخ كبير و لديك اخوة صغار ماذا تقول في هذا الموضوع؟؟

صدقوني هو ليس بالموضوع السطحي ابدا

و يحتاج منا الى المناقشة و طرح وجهات النظر

مارأيكم ؟؟

هل فعلا تغتصب براءة الطفولة ؟؟

ام ان ماطرح من افكار مبالغ فيه و اعطي الموضوع قيمة اكثر مما يستحق؟؟


اتمنى على الجميع المشاركة

دمتم بخير




طرح الموضوع حصري لمنتديات سكون الليل

في البداية الشكر وكل الشكر على الطرح الرائع



بالنسبة لكلامك عن الخطأ الحديث يلي عم توقع فيه الآباء


يعني متل ما ذكرتي لما الاب او الام بتشوف ابنها عم يرقص


على ترانيم اغنية بصير بصفقلو وبغني معو وبعلمو كلمات


الاغنية


نسينا تعليم اطفالنا القران وقراءة القرآن امامهم حتى يعلئ شي


في ذهنم لما يوصل للوعي الكامل يذكر ان ابوه او امه كان يردد


هالأية او هالسورة


لكن بوقتنا صار الطفل بغني الاغنية يلي عم يشوف امه عم تغنيها


او الرقصة يلي عم يشوفها عن طريق التلفزيون


وهذا الشي اكبر غلط وبعلم الاطفال على الانحراف من صغرهم


يعني انا معك بكل كلمة قلتيها وما بالغتي بالموضوع


واد ما حكينا على هاد الموضوع مو مبالغة


لاني الو اهمية كبيرة في حياتنا المستقبلية


يعني انحراف الشباب في ايامنا هيدي هو سبب انحرافهم في طفولتهم


وبعدها بقولو الاباء ابننا انحرف وما منعرف شو بدنا نعمل


واحيانا بيرمو اللوم على غيرهم متل المجتمع يلي عايشين فيه


ما حدا بينكر انو المجتمع الو تأثير كبير ولكن ما لحد انو نفقد السيطرة


على تربية اطفالنا ... في كتير شباب تربو في مجتمع في فساد ولكن


منشوفهم انهم على خلق راقي وتربية رائعة وهاد الشي بعود للابوين


وطريقتهم في تنمية عقولهم وارشادهم للطريق الصح من الطفولة وحتى مرحلة الشباب


بالنسبة لاغتصاب برائة الطفولة في نظرتي انا ما بعتقد في هالشي هاد البراءة عند الطفل


بتضل متل ما هيه ولكن في مستويات الها


وحتى لو حطلو ابوه سيغارة في تمو بتشوف السيغارة امتزج نوع من البرائة فيها رغم خطورتها


ونتمنى انو الجميع يستفيد من الموضوع وينتبه الى اطفاله سواء في الحاضر او في المستقبل


وبجدد شكري لجاكلين على اتاحة الفرصة النا بطرحها الرائع


بالتوفيق للجميع

كل الشكر لمرورك على الموضوع و تعليقك المميز سكون

بس وئت تتعرض براءة الطفل للخطورة مابيكون اسمو اغتصاب؟؟

وئت ببلش عوّد ابني على ان الدخان شي مسموح حتى لو عن طريئ المزح و ببراءتو يفهم انو هالشي مو عيب ولا حرام مابكون عم بغتصب طفولتو و بهيئوا لشي غلط عم يرسخ بمخو نتيجة مزحة ؟

وئت بيلاحظ ابني اني مبسوط للشي يلي عم يعملوا و نحنا منعرف انو غلط شلون بدو يفرّق الطفل اذا كان هالشي صح او غلط و اذا كان ممنوع او مرغوب ؟

الطفل مخلوق ذكي و فورا بيعلئ بمخو الاشيا يلي بيشوفا و بينشأ عليها بس مو لدرجة التمييز بين الصح و الغلط او بين المزح و الجد

انا هالشي فعلا بعتبروا انتهاك لبراءة الطفل

رح خفف من وقع كلمة اغتصاب و اعطيها مصطلح انتهاك


دمت بخير و دام مايخط قلمك

اطيب امنياتي

انا فهمت عليكي بس اصدي انا انو البراءة طاهرة وما ممكن الانسان انو يغتصبها او ينتهكها رح تضل طاهرة ومتل ما هيه مهما حاول الانسان انو يعبث في ملامحها


وكل شخص ورأيو وبالآخر احترام رأي الآخرين واجب وانا بحترم رأيك



بالتوفيق للجميع

معك حئ بهي سكون

مفهوم البراءة منذ الازل مرتبط بالطفولة

فورا تتوارد على اذهانا مرادف براءة عند ذكر كلمة طفولة

و من هول مايحدث وما نشهده من محاولة لتشويه هاد المفهوم اطلقت لقب انتهاك او اغتصاب

لان يلي عم يسير مو ئليل ابدا

هني يلي عم يقتلوا هالبراءة و برغم هيك بيضل مفهوم الطفولة يعني البراءة

شكرا لمرورك مرة تانية

احترامي و تقديري لرأيك و رأي الجميع

اطيب امنياتي