هل تتزوج أو تتزوجين بــ.....(تابع الموضوع)؟

نورتي الموضوع جاكلين


طبعا انا بحترم رأيك ورأي الاخرين لأني ممكن تتوافق الاراء وممكن تختلف


يمكن لأول مرة ما بيعجبني رأيك (بس بحترمو) لاني يلي بدي قلك يااه عن تجرب في حياتي


انتي بأول عمرك ويمكن ما الك كتير بتفوتي عالنت سنة ولا اتنين ولا تلاتة وليكن خمسة


العلاقة الناجحة عالنت شبه المستحيل (وما هو مستحيل) يعني من المليون علاقة يمكن تلاقي علاقة


بس ممكن نعمل اصدقاء كتير ويكونو مخلصين النا


من شوي شفت موضوع بيحكي عن هالشي كتير عجبني وسوف يتم نقله للنقاش فيه بيحكي عن الواقع انو فعلا احيانا شخص منشوفو عالنت ومنتعرف عليه ومنحكيلو كل همومنا واسرارنا ومشاعرنا

خيبة الأمل انو هاد فشل بالحياة الواقعية ما نلاقي هيك شخص بنفس الوقت منكون حاطين ببالنا انو ما نقابل هالشخص ومنشوف انو مقابلة هالشخص مستحيلة من طرفنا او من طرفو وهالخيبة هلئ عدم مواجهه نفسنا


ملاحظة : انتي حكيتي بس عن علاقة النت والموضوع شمل جميع العلاقات بالحياة يعني طلعتي شوي عن الموضوع


بالنسبة الي العلاقة لما بتكون شخصية (فيس تو فيس) بتكون اقوى بكتير

تاني شي لما بتكون مبنية على الصدق وهاد أهم شرط من شروط العلاقة الناجحة رح تكون علاقة ناجحة

رح اترك شوي من رأيي لحتى يتم فيه النقاش عندي كتير كلام رح قولو بهالموضوع


شكرا الك جاكلين



ملاحظة تركتلك رسالة خاصة بصندوق الرسائل يا ريت تطلعي عليها وتعطيني ردك


بالتوفيق

ملاحظة .. رديت على رسالتك الخاصة برسالة خاصة بنفس الوئت سكون

ما افهمتي القصد من الموضوع

رح اشرحلك اياه باختصار


القصد هو احيانا في شباب بقولو فلانة بتحكي مع فلان وبتطلع معو مشاوير او طلعت معو مشوار وهالشي عيب وغلط وهي البنت طلعت معو معناها بتطلع مع غيرو وغيرو


والبنت بتقول هالشب طلع فلانة مشوار شغلتو هالحركات هي ويمكن كل يوم مع بنت شكل

هاد يلي حكيت فيه انو

هل ينجح هذا الزواج ...؟؟؟

ام ان الشك يسيطر على الطرفين؟

طيب لو صار معنا بيوم من الايام هالهشي هاد شو رح يكون موقفنا

بحب نبه على فكرة كمان

هل تتزوج بشحص كنت على علاقة معه؟

بدون تحديد نوع العلاقة

__________________________________________________________

بالنسبة للرسالة وصلت بس في خطأ بالبرمجة ما وصلت مفهومة

يا ريت تعيديها بالارسال عالايميل او مرة تانية برسالة خاصة

شكرا الك مرة تانية

مشكورة كتير اختى على هل موضوع
وفعلان متل ما قلتي اهم شي يكون التفاهم ويكون الشخص واثق بي الشخص يلي مرتبط فيه
مع تحياتي الك اخوووووووكي المحترررررررف

انا حبيت عن طريق النت
وحبيت عن طريق التلفون
وحبيت عل واقع
بس ما شفت احلا من الواقع
انا خسرت كل مالي كلو بس على التلفون وعلى الاتنرنت
بس الله كريم الحمد لله الله عوضني عن كل شي والله بعتلي احلا بنت خطبتها وهلاء بدنا نتزوج
بس ما في احلا من الشخص يحب عل الواقع

اول شي بحب اشكر سكون الليل عالموضوع الحلو

وبشكر جاكلين على الرأي والجميع

على مهلكون لشغل سيكارة هههههههههههههههههههههههههههه

انا من ناحيتي بحب احكي في قاعدة عند الشاب انو ؟؟؟؟ البنت الي بتحكي معك بتحكي مع غيرك؟؟ اكتر الشباب هادي قاعدة عندهم؟؟ هاد عندي غلط؟؟؟ بنرجع عالموضع ....كيف يمكن لنا ان نحب اشخاصا لم نراهم؟ ولم نعرفهم ولم نتربى معهم؟

كمسلمين نحن نعشق رسولنا الكريم و ان لم نراه.. وكبشر جميعا نحب الله ونكره الشيطان وايضا نحن لا نراه...

عندما كنا صغاراً احببنا اخوالنا مع اننا لم نراهم، عشقنا قصصهم و شخصياتهم بمجرد رواية عنهم

و كثيرا ما نحب شخص او شيء بمجرد سماع رأي الناس عنه.

الكثير الكثير وقعوا في عشق كبار الشعراء والادباء والمشاهير من مجرد قراءة افكارهم او سماع قصصهم صحيح على ما يبدو ما يقال اننا فُطرنا على العشق، فكثير ما نعشق روح الشخص اكثر من جسده المادي.

فالجسد فانٍ
نجد اناس تعشق بعض حتى بدون لقاء ولا حوار كأن ارواحهم تألف بعضها بعضا كأن قلوبهم مخلوقة من ذات الصلصال.

و تعجب احيانا من الاختلاف الواضح بينهم، الا ان ارواحهم متآلفه..
وآخرون يكرهون بعضهم بعضا وان لم يسمعوا ببعض، كأنما ارواحهم تلفظ بعضها بعضا!

انما هو حق ان الروح من امر ربي، فلا يعلم سرّها الا هو سبحانه
وفي شي بألك انو الاذن تعشق قبل العين ... وانا برأي انو حسب في علاقات ناجحة وعلاقات فاشلة وبيرجع هاد الشي التفاهم والارواح بين الاثنين

ولكم جزيل الشكر

يسلموااا ايديك سكون على الموضوع انا برئي مشكله مو بطريقة التعارف لاء المشكله بشخص نفسه سواء على النت او برات النت يجب ان تدرسه منيح وتتاكد من مشاعره وقبل كل شئ تتقبل عيوب هذا الشخص قبل ما نطلع في مميزاته مشان نعرف فينا تحمل هذا الشخص او رفضه تقبل مروري

برافو عليكي يا أطوطة أنا معك بكل كلمة التيها

الله يخليك ياغالي

اول شي مشكور على الموضوع اخي سكون

تانيا النت او غير النت او التلفزيون او التلفون هالشي مابحدد مدى نجاح العلاقة او فشلها

كتير من الاشخاص لما يكون في بينهم علاقة حب قوية وكانت من فترت طويلة ممكن تتغير عند الزواااج ممكن تتفاجئ بالحبيب او الحبيبة انه انسان تاني

بحب الحب قال كلمة حلوة نحنا نعشق رسولنا الكريم والله سبحانه وتعالى بس بلا تشبيه يعني ((كفكرة لا اكثر )) نحن لم نراهم

انا براي انه الزواااااج هوة توفيق من الله سبحانه وتعالى

انا اذا بكون حابب بنت وبراسلها عن طريق الحمام الزاجل واذا الله كاتب انه تكون من نصيبي وانه ارتاح بحياتي او كون تعيس بحياتي رب العالمين بحدد هالشي

ولما نحب عيوب الحبيب اكيد منكون وصلنا للعلاقة الصادقة والدائمة والبعيدة عن اي شك او خوف


قطة كلامك كان بجنن وانا معك بكل كلمة قلتيها


تقبلوا مروري

فيه وجهه نظر كبيرة كلامك اخي الحب الكبير

كلامك فيه شي كبير من المنطق

انت ركزت على موضوع النصيب فقط

لو دخلنا بهالمجال هاد ما رح نقدر نكمل مناقشتنا

رح تنتهي كل المناقشات بانو هادي ارادة الله

شخص غلط وغلطو سبب وفاة شخص لو حاولنا ندرس الاسباب ما رح نقدر لاني رح تقول انو هادا حكم الله

برأيي انا انو لازم نناقش الموضوع بانفتاحية اكتر من هيك

الشكر لجميع الاعضاء

شكرااا الحب الكبير

تقبل تحياتي

كلامك صحيح مية بالمية اخي ملك عنجد رأيك اعطى الموضوع روح المناقشة


اي صح كلامك وانا عندي قريب تعرف عن طريق النت وتزوج


يعني الحب مافي الو مكان ولا زمان


رح نشوف رأي الأعضاء يلي ما اخدنا رأيون


بتمنى من الكل المشاركة بهالموضوع


تمنياتي للجميع بالتوفيق

اول شي يسلمو اسكونو ع هيك موضوع رائع

انا بصراحه بقول انو العلاقه سوا كانت عن طريق النت او غيرو المهم بكون فيها الثقه متبادله والتفاهم


بين الطرفين ,,وبنسبه انو بكون في شك انو حكت معو معناتا حاكيه مع غيرو اكتير بفكرو هالتفكير

مع انى رافضه ه الفكره نهائي,,الانو لو في صراحه بيناتهون من البدايه وثقه حتى لو كانت حاكيه

مع غيرو رح تقلو وهيك رح يكون عرف كل شي عليها وهو متقبلها هيك,,فالشك رح يزول بعدها

الانى صارحتو بكل شي و العكس بكون الشب صارحها بكل شي وهيك رح اتزيد الثقه بيناتهون

والتفاهم الانو ما خبو ع بعض اي شي ,,وهيك بنرجع لكلمة صراحه وثقه اساس التفاهم سواء

كان ع النت او غيرو


وهاد الشي يلي بيبعد الشك ويجعل التفاهم والثقه بينهم اكبر ,,وكمان انو النت مانو حياه

خياليه هو واقع بس بطريقه تانيه ,,


وانا بعرف اتنين تعرفو ع بعض ع النت وانا متاكده انو اكتر اتنين متفاهمين بحايتهن وان شاءالله رح

يتزوجو عن قريب وانا متاكده انو رح يكون مبسوطين ويثبتو للعام انو اعلاقه عن طريق النت ممكن

اتكون ميه ب الميه ناجحه

تقبلو مرورى

يسلمواااااااااا للكل على ارئهم بس بدى اوصل شئ في كتير من الشباب والصبايا انظلموا فيه وهو انووو اصحاب النفوس الشرسه الى لا تعرف غير الكذب ونفاق وهى موجودين بينا وساعات نفكرهن رفقات ولا اصحاب الانو انا عندى الرفق الى برافقنى مشان مصلحة معينه اما الصاحب لالا هو اخ دنيا ومعى على مره قبل الحلو وهذول دائما هدفهن هدم اي علاقة بين اتنين ويسعواا الى خراب البيوت مو بس علاقات حب او حنى صداقه تقبل مروري

اول شي بدي اوجه شكر للغالية شهرزاد على رأيها المقنع والرائع واتمنى لهدول الاتنين يلي حكت عنهم انو تستمر حياتهم بخير وهناء وسعادة ويعيشو احلى حياة مليئة بالحب


وبالنسبة للاخ ملك القلوب الدافئة بدي وجهلك احلى تحية على تتبعك للموضوع ومساهمتك فيه يلي عم تعطي الموضوع حقه من النقاش


بالنسبة للقطة رح اختصرلك كلامي بكلمتين اختي


حاولي اختاري اصدقائك بحذر اكبر لاني اختيار الصديق او الحبيب بهالأيام صار كتير صعب وبدو كتير تفكير وحذر كمان


بس اكتر شي عجبني مع احترامي للجميع رأي شهرزاد يلي عبرت عن رأيها بكل وضوح وبكل صراحة وبكلام منطقي وواقعي ويلي أيدها كمان ملك القلوب الدافئة الغالي