فكرة ..اقتراحات مطروحة للنقاش من قبل الادارة و الاعضاء الكرام

انا حابة اني اطرح اقتراحين يمكن يساهموا بتطوير المنتدى و تغطية بعض الضعف الذي يظهر في بعض اقسامه


هلئ عم نلاحظ انو في بعض اقسام المنتديات عم بتكون عدد المشاهدات كبيرة جدا بينما عدد المشاركات قليل جدا و بالنسبة لهي النئطة عندي اقتراح اذا سمحتولي


من خلال تواجدي بالمنتدى لاحظت وجود عدد لابأس به من الزوار عم تفوت للمنتدى فبقترح انو نفتح الباب الهون انو يبدوا رأيون بالمواضيع الخاصة بمنتدى الحوار العام مثلا لان تفاعل الاعضاء عم يكون ضعيف نوعا ما

و هالشي ممكن يحئئ فوائد منها
انو نعطي فرصة لعدد اكبر بالمشاركة من خارج المنتدى من اجل اثراء الحوار
تاني شي افساح المجال لاشخاص من كافة المستويات العمرية و الثقافية و العلمية انو تشارك و هالشي ممكن يثري النقاش من جهة
و يشجع الاعضاء انو يشاركوا في النقاش و يثبتوا وجودون من جهة تانية و كمان بيعطي فرصة للخروج بأفكار جديدة تكون نواة لمواضيع نقاش اخرى
و يمكن هالتفاعل و اتاحة الفرصة للزائر انو يبدي رأيو تشجعوا انو يسجل بالمنتدى

و تاني اقتراح
انو يتم اختيار عضو من الاعضاء من قبل الادراة كل اسبوع لاختيار فكرة معينة و كتابة موضوع للنقاش يطرح في قسم الحوار العام او في اي قسم اخر و يطلب من الاعضاء انو يبدوا رأيون لان رح يجي الدور على كل عضو انو يكتب موضوع يطرح للنقاش و يمكن هالشي يشجعون انو يبدوا رايون و يشاركوا
لان مابظن انو المواضيع المطروحة للنقاش لاتستحق ابداء الرأي ولو بكلمة شكر من جهة و من جهة تانية بظن انو كل عضو الو وجهة نظر يعبر عنا او فكرة يطرحا حول الموضوع

هي طرح مبدأي للاقتراحين و بتمنى كون ئدرت وصل الفكرة

بانتظار رأي الادارة و الاعضاء


خالص احترامي و تقديري