نقل المواضيع في المنتديات .. هل هو صواب ام خطأ؟؟؟؟؟

أول شي بشكرك اختي جاكلين كل الشكر على اهتمامك الرائع بالمنتدى واخلاصك




بالنسبة لنقل المواضيع ما بعتقد لازم يكون فيها كلمة منقول لاني كنتي شفتي تلات ارباع المنتدى مكتوب اخرالموضوع منقول



بالنسبة لحفظ حفوق النشر في مواضيع الكاتب بيكتب تحت الموضوع الرجاء ذكر اسمي عند نقل الموضوع فرضا


او مكتوب حقوق النقل محفوظة


يعني لازم تقول الموضوع منقول من شبكة كذا او من منتدى كذا من طرف الأخ او من طرف الأخت



بالنسبة لنقل المواضيع نقطة كتير مهمة اهم شي عدم نقل المواضيع اللا لزوم لها وهاد الشي ما عم نشوفو عندنا بالمنتدى والحمد لله وهالشي اذا دل بدل على انو اعضاء المنتدى في وعي كامل لهاد الموضوع وانما للتذكير فقط


وبرجع وبجدد الشكر للاخت جاكللين على الاهتمام وبوجهلك احلى تحية وبهنيكي على مواضيعك الرائعة والمميزة



تمنياتي الك ولكل عضو التميز بالمنتدى على مختلف المجالات

سلمت يمناكي على الموضوع الرائع
بجد شي حلو
ويلي قلتيه كفا ووفا
يعني ما راح اعلق على الكلام
وكلام سعيد حلو برضو
يعني انا باقول
انو طالما كلو منقول
فما فيه اي داعي نكتب تحتو منقول
وانت اتكلمتي وقلتي انو ما فيبه قدرة لكتابة موضوع
بس برضو انا باقول الك
فيه كل الدرة
وباتصور انفتح قسم لكتابة الاعضاء
وغير هيك من المواضيع راح يكون منقول
فما باتصور انو حد يكتب اي موضوع ويحطو بقسم غير قسم يي للاعضاء
غير هيك
ما راح قول
بس بدي اتشكرك على مجهودك
يسلمو

مرحبا جاكلين

موضوعك كتير حلو وقابل للنقاش

نقل المواضيع من منتديات تانية مو غلط

لكن متل ما قال سكون انو أكتر المواضيع المنقولة مكتوب تحتها منقول

نقل المواضيع هو طريقة جيدة لتقوية المنتدى

لأنو اذا بدنا نعتمد على مواضيعنا الخاصة رح يبقى المنتدى خلف كل المنتديات

لذلك مو مشكلة اذا نقلنا بعض المواضيع من غير منتدى

وبنفس الوقت مو لازم نعتمد على النقل وبس

لازم نقوي منتدانا بمواضيع من تأليفنا ومن معلوماتنا العامة انا مثلاً

أكثر مواضيعي من الايميل وأكثرها بعمل عليها تعديل قبل ما نزلها بالمنتدى

والتعديل هو إلغاء بعض الكلمات غير المناسبة

أو إلغاء بعض الصور اذا كان الموضوع يتعلق بالصور

وفي النهاية بشكر كتير كتير على اهتمامك الكبير بالمنتدى

وبتمنالك الخير والسعادة

تقبلي مروري

كل الشكر على التعديل


يعني بعد ما فكرت فيها لو كان كل واحد بدو ينقل موضوع مكتوب فيه منقول كان شي رائع جدا


الفوائد عديدة


اول شي بتعرف من وين مصدر المواضيع


تاني شي بصير مجهود عقلي اكبرعلى طرح مواضيع غير موجودة وتكون خاصة بالمنتدى


وهيك بصير نشاط اكبر على مستوى النت بشكل عام


يعني في فوائد كتير وعديدة


وحتى بصير الواحد بيعرف مثلا لما منشوف اكتر من موضوع مميز منسوب للمنتدى الفلاني رح يصر عندنا معرفة انو هالمنتدى فيه اعضاء نشيطين وهاد الشي رح يخلئ من التحديات الرائعة ومن اروع التحديات على النت



وبشكرك على هالموضوع الرائع جاكلين

لي عودة على الموضوع لأهميته بعد سماع رأي بقية الأعضاء



بتمنى من بقية الاعضاء دارسة الموضوع بشكل جيد



وبعد اخذ القرار اذا كان القرار كتابة كلمة منقول على كل موضوع منقول سيتم ذلك بالفعل


ولكن دعونا نسمع رأي بقية الأعضاء الكرام

تم مراجعة الموضوع ولم يتم تغيير وجهه النظر


بالنسبة لرأيي انا انو


كتابة كلمة منقول وحتى ان اضطر الأمر او طلب كاتب الموضوع ذكر اسم الموقع يجب فعل ذلك


وان لم يطلب الكاتب فلا داعي لذكر كلمة منقول


بالنسبة لذكر المصدر او ما يسمى بالمرجع بالأصل فهاد رح يكون لما اي شخص يقوم بتأليف موضوع واكيد نصيحة الو كمان انو يكتب المراجع

واي شخص بدو ينقل موضوع مذكور اخر الموضوع المرجع للموضوع انا برأيي انو ما يمسح منو المرجع



والنقطة الأهم الك ولكل اعضاء المنتدى انا ما بحب احكي مع اي شخص بصفتي صاحب المنتدى او منشئ المنتدى

بحب تكون العلاقة علاقة اخوة ولو كان غير هيك كنت قفلت الموضوع من الأول

والملاحظة انو بكل كلمة عم اذكر أنا برأيي انا برأيي


وهاد الشي رح قولو حتى لو كنت عضو


استعمال الادارة عندي فقط لستيير امور المنتدى لا غير


وكل الشكر الك اختي