قاموس سوري - عربي‎

دَشْرو: يعني حل عنّو .. تركو





ماني غضران: يعني لست بقادر



يوه تشكلو آسي: يوه مفرده يأتي شرحها لاحقاَ



تشكلو آسيبعيد<الشر<

:تعبير يفيد شدة حب المتكلم للمتكلم عنه. .



الواه الواه : تعبير نسائي بحت يفيد التمسخر على شيء ما



دب معبّا بـ بنطرون: يعني واحد أجدب وجاية يحكي



ولا: آداة تستخدم في النهر والشتم





دشّرني: أي حل عني . . . وحل عني يعني اتركني بحالي



طلاع من راسي: كمان يعني حل عنّي



سد بوزك: يعني سكوت



سد نيعك: شرحو



أيدي بزنّارك: تعبير يستخدم للتعبير عن الرجاء



دخيل الله : أيضاَ تعبير والمقصود به هو الاستغاثة بالله





شَعرو متل الشوشة: أي أن شعره منفوش ومنكوش



متل فرشاية المدفع: يعني شعراتو خشنين ومنكوشين




يوه الواه الواه: مفردة شهيرة جدأ عند النساء وتفيد الأوّية < نوع من أنواع المسخره بين النساء>







بحبِش: أيضاً مفردة تعني البحث مع التمحيص



ينمحئ : ويعني ينضرب على قامتو . . يسطفل



يبعتلو حمّى: أي تصيبه حمى ونخلوص منّو



يبعتلو أتلو: يعني يموت



يروح دعس: كمان يعني يموت بس دعس









متل مكّوك الحايك: يعني بحوص كتير



يفش نيعك: هي مسبّه



برِى عليك: يعني برافو أحسنت





شو مشان: يعني شو



تؤبرني: دليل محبّه



تشكل آسي: كمان محبّه



تؤبر عضامي: نفس المعنى بغير ريحه



تمشي على رمشي: شرحو



تطلع على أبري: كذلك



زواز: يعني زواج



سجره :يعني شجره



أوضه: يعني غرفه



يتحورء: متل يبعتلو حمى



يتئوّص: بنفس المعنى



يتأمّع: كمان هيك شي



عود يئعد رزّك: يعني خيلتنا حاجة تحوص



والمعنى الأدق: يقعد رزك يعني تموت والناس ياكلو رز. . لأنو من المعروف



عندما يموت حدى بتصير عزيمة وبيطعمو الناس أوزي على روح الميت والأوزي أكلة



معروفة بالسوريا



وين غاطط : وين مو مبين





مافي أرنة: يعني لا يوجد مكان



مطرح مالو آعد: يعني بالمكان يلي يجلس فيه



والسبع تنعام : يعني إلنا الشرف



وأز كان: وتعني .. وأذا كان .. طز



ششمه: يعني تواليت



خالص: يعني منتهي أمرو ... حرام عيشتو



حمل درب طْرِيئو: يعني يحمل حالو وراح



الداكونه: الغرفه يلي تحت الدرج



نمليّه: مكان بالمطبخ بيحطو فيه اغراض



صحن مئوبع: يعني صحن ممتلي لآخرو





حيط بياخذو وحيط بيجيو: تقال للي بيسكر من كتر الترنّح



مابيعرف الخمسة من الطمسه : عن اللي ماعندو ثقافة



سرّي مرّي: رايح جاية يعني





شندي بندي: للي بيحكي بلا طعمه شروي غروي





فايت بالحيط – طاقق الفيوز : للدلالة على انو ماعم يلاقي كلمة مناسبة



مجنّط : مفلس ولا قرش



كِحته: إيدو ماسكه . بخيل



شاطط ماطط: يعني مدلع زيادة



نعيان: يعني قلبو بارد



نايط = نعيان = بارد





شاضومه: بنت مجلوئة . . يعني كيف بدي إلكن . . . قليلة أدب ومصبْينه



شحّاطة : مايلبسه المرء في قدمه عندما يكون في المنزل



صرمايه: يعني حذاء



ديوانيّه : يعني صوفايه



صوفايه: يعني كنبايه



طائيّه: القبّعه التي توضع على الرأس



تعسيله: نومة بعض الظهر



تغدّى وتمدّى: يعني قيلوله بعد الغداء



مسرسبة: يعني بتحب النظافة كتير



مسمّاويه : يعني حقودة وأويّه



كركمّه : يعني ختياره مصوفنه



أسسييع أوعى الزيت: بمعنى أفسح طريق



زكرت: يعني أبضاي





أغّيييييى: هي للأبضايات وبس



خروء: يعني ضعيف كتير ما بيلئى كف





تاكلو الدوده العميا: يعني الواحد يموت وياكله الدود بعيد الشر





يبعتلو أتلو شو سمج: كمان يعني يموت 0وسمج يعني غليظ .





موَسوس: مهووس بشغله



محبّك : يعني زكي كتير



ضراع: يعني ذراع



المحروسه: كلمه تسبق اسم أحد في حال السؤال عنه مثلا :



وهي تذكر على النساء فقط





عئلو جوزتين بخرج: يعني عقله صغير





متل الأطرش بالزفّة: يعني مالو علاقة بالموضوع





حاجه تحوص وتلوص: يعني حاجة تفتل وتدور





شويّة لخار: بعد شوي .. وقت آخر





بنت عمّي: يعني مرتو وطبعاً بالعكس



تخورف: إتخوزء





مع ملاحظةأن حرف القاف يقرء همزه وليس قاف



مثلاً :

وهذه الكلمات مستعملة عند سكان المدن السورية حصرا



والي بيحفضهن ع الغايب انا بضمنلو الجنسية السورية

هلا جاكلين نورتى يا روحي

مشكوره على المرور والتعليق العسل

تحياتى كلك زوووووووووء

طلعت ماني سوري انا هههههههههههه



عم امزح بس في كلمات شامية بعرفهم وبعرف شو معناهم بس مو بالظبط وهلئ اعرفت



شكرا كتير الك خيتوو

هاااااااااااي سكون

اي والله كل منطقه بشام الها كلمات

والها معانى غير شكل

بتعيش وبتسمع هههههههه

مشكور على المرور والتعليق