صفات الشاب الكذاب :

موضوع: صفات الشاب الكذاب : 25/05/10, 08:59 pm

بلا طول سيرة عليكم :

1 - الشب المنظوم بيحاول التعرف عليكي بشتى الطرق حتى يحصل رقم الموبايل او رقم الارضي اذا كان محظوظ (لانك بتخافي اهلك يردو وبتصيري انتي تدقيلو ..... لا تفكري كتير عم يوفر يعني )

2 - بيصير يصرعك باتصلاتو ليل ونهار على اشتقتلك وبحبك و مرفقه طبعا بالمسجات الي كلها حب وغرام و غزل (مو من حظك طبعا لازم تردي بشي مسج شكرا عالقليله او مس كول وهو بيفتح الخط بوجهك ..... خرجك )

3 – بيتصل باخر الليالي وانتي بعز النوم او عم تحضري شي فلم عال mbc2 وبيسمعك اغاني حب ورومنسيه

متل اغاني تامر حسني و شايني وورد (و يا خوفك يسمع البابا او الماما او حتى الجيران بسابع طابق صوت الغناي لانو معلا صوت بس شوي )

4 – بعد فتره تمتد بين اسبوعين و شهر (حسب شخصيتك هي الفترة ) وبعد ما تكوني تعودتي عليه بيوقف المسجات فجاة ولازم تعرفي انو هاد تكتيك مشان تحسي بالفقد انو في شي ناقصك بهالدنيا .

5 – بيصير بعد قطع المسجات بفتره لا تتجاوز التلات ايام يخفف الاتصالات و يكتر المس كولات بس شو لا تخافي الاتصالات كلها حب وغزل و من الحكي الي بيعجبك ( وطبعا بيصير يشكيلك انو ما معو مصاري و متقاتل مع ابوه ووووو ومشاكل و الدنيا كلها ضدو ..... في شك !!)

6 – هلق صرنا بمرحله جديدة وبيقلك الكلمة السحريه حلمت فيكي مبارح بالليل وياريت هالحلم حقيقه كنا انا وانتي بالجنه وكتير كتير كنا مبسوطين (طبعا مو ضروري الجنه أي مكان اخضر و معزول بيكون منيح من اجل الرومنسيه)

7 – المهم بعدين بيطلب يشوفك بوقت متاخر اكتر من العادة يعني مثلا بتشوفو بعض الظهريات زيديون 6 ساعات

(وانتي بترضي لانك جدبه !!)

8 – بعد الف لعبه وحيله و تعب بتقدري تشوفيه الساعه 8 المسا ( طبعا المكان مخفي ما بدها حكي ..)

9 – هلق بعد ما تشوفو بعض و بتجلسو بسعاده على غفله بيمسكلك ايدك و بيطلع بعيونك بكل رومنسيه و بيقلك بحبك و بيبوس ايدك و بيصيرو عيونو يدمعو بس"مو شرط" ( وهون انتي بتسخسي ما هيك ..... غبيه !!)

10 – هاد الحكي السابق كلو مرفق بتخفيف المس كولات و الاتصالات وانعدام المسجات من ناحيتو و طبعا انتي بتبحبحي ايدك و بتصيري تتصلي و تسرقي موبايل البابا و الماما و اخوكي لتحكي معو ....... (no comment).

11 – بتصير بهي المرحله كل اللقاءات مسائيه ( لانك كتير ذكيه الله يخليكي لاهلك ...) وبيصير البوس يطلع من الايد لاماكن اخرى كالفم و بيشتغل الضم بلا طول شرح (وطبعا تفه عليكي .... تفه...) .

12 – ها ها هلق بعد فترة من الزمن بلقطكم ابن الجيران الصغير (وهاد اذا كنتي محظوظة كتير كتير ) او بتلقطكم شرطة الاداب ( اللي ما لو حظ لا يتعب و لا يشقى بهالحياه ..) .

13 – اذا ما انفضحت نص البلد فيكي بتصيري تطلبي تشوفيه الظهر بس لانو ماعاد فيكي تطلعي المسا ( هئ هئ هئ هئ وصلتي يا بعدي ...) وبيصير مشغول كتير و كل شغل العيله عليه و كل الدنيا عم تطالبوا بمصاريف و ديون .

14 – بتصيري تدقيلو كل النهار يا خارج التغطيه يا بيسكر بوجهك ( هون نصيحة اختي حفظي ماء و جهك و حذفي رقمو ..) .

15 ما محيتي الرقم ما هيك والله بعرف المهم يا ذكيه كملي معي لشوف شو بدو يطلع معك ..... بيتصل فيكي و بيقلك انتي انسانه رائعه و كل شب بالدنيا بيحلم فيكي بس ...................... انا اهلي خطبولي ( وطبعا هاد كذب يا زوطة لانو مو خادم عسكريه و ما معو اجرة سرفيس بس يعني هاد اذا عندو شي جد ابن حلال بيحسسك بالاكشن و عاساس انو لهلق بيحبك بس هي الظروف ..) اما اذا ابن حرام بيقلك حلي عني حاج تدقي على هاد الرقم ما حلك تفهمي ماني طايقك تضرب هديك الساعه ..... (sorry for you )

16 – اخيرا و ليس اخرا بعد ما تكوني اكلتي الصواب الصعب و بلشتي بكي لصارو عيونك حمرمتل الجمر

موضوع: رد: صفات الشاب الكذاب : 25/05/10, 09:10 pm

بالنهاية سوري و نوكومينت و خلصت الئصة

معك حئ والله يايارا

للاسف هاد يلي عم يصير اوئات

و مو دايما

تسلمي البي عالموضوع الحلو

امنياتي بمزيد من التوفيق

دمتِ و دام قلمك

موضوع: رد: صفات الشاب الكذاب : 26/05/10, 05:05 pm

هههههههههههههه والله معك حئ يارا.. بس مادائما يعنى ....باوقات بصير هيك ..

الله يسلم ه الانامل ياغاليه....

دمتي ودام عطر قلمك..

دمتي بكل الود..والمحبه...

موضوع: رد: صفات الشاب الكذاب : 26/05/10, 06:02 pm

يا شحاركن يا شباب ما بتخلصو من البنات ولا من مشاكل البنات

ولا من مصايبهم

بالآخر الحق راكبك وفوق راسك هههههههه

والأحلى من هيك كل البنات ملائكة وكل الشباب شياطين وعلى نار جهنم سكارسة ههههههه

على كل حال يعني شو بدي احكي ؟؟؟؟

بدي قول الله يحميكم يا بنات حواء من شرور آدم آدم يلي كان البلا بتنزيلكم من الجنة على الأرض

آدم يلي هو خراب الدنيا كلا هههههههه

والأهم من هيك

آدم يلي كيدو عظيم هههههههههه

على فكرة صفة العظيم صفة كبيرة واتصف بها الخالق ذو الجلالة والاكرام وربنا سبحانه وتعالى وصف بها كيد حواء

ان كيدهم لعظيم

كلمة اخيرة

طبعا هالصفات يلي زكرتيها موجودة بـ 30% من الشباب ويمكن اقل او اكتر بشوي

بس 90% من البنات بتضحك على ميت شب ^^

اللهم اجعل كلامنا خفيف عليكم يا حواء هههههه

بالاخر بوجه تحية معطرة بالمحبة الأخوية لكتابة الموضوع الاخت يارا

صفات الشاب الكذاب : 332958

موضوع: رد: صفات الشاب الكذاب : 01/06/10, 10:58 pm

يااااااااااشحاري

هههههههههههههههههه

سكونوووووو

لك انا ليش الدنيا هون متكسرة

مطحبش الدنيا حبيب البي

لك أي ولو حبيبي

خليهم يحكو الي بدهم اياهم

مع احترامي للجميع

بنص عقل جنس حوا

يعني شو ما حكا ما بينحط عتب عليهم

احسن شي الله يهدي الجميع

تحياتي ألك خيتوو يارا

موضوع حلوو

بس ناقصو حبة سكر Very Happy

حطي اصبعك فيه بصير قطر هههه

تقبلي مروري

» الشاب والفتاة
» الشاب الذي يحطم ما عجز عنه نيوتن وأنشتاين......
» الشاب خالد: مستحيل أدخل إسرائيل لكن ممكن أغني معاهم ..